Пред да стигнете до редовна фармаколошка терапија за регулирање на нивото нахолестерол, постојат неколку начини како можете да го регулирате Вашиот холестерол. Со промена на некои животни навики и практикување на здрави совети можете да постигнете задоволителни резултати. Намалениот холестерол дирекно го намалува ризикот од срцеви и мозочни компликации и заболувања.

Како можам да го намалам холестеролот преку промена на животните навики?

Можете да го намалите холестеролот преку промена на животните навики или со употреба на лекови, доколку така Ве советува вашиот лекар. Кај некои луѓе доволно е само да го променат начинот на исхрана и на живеење, за да го регулираат нивото на холестерол.

Намалете го внесот на заситени и транс масти !

Применувајте исхрана во која има ниско ниво на заситени и транс масти. Исхрана богата со овие масти може да го крене нивото на ЛДЛ холестеролот во крвта високо. Заситените масти се вообичаено цврсти на собна температура. Ги има во продуктите од животинско потекло како месо, палмино масло, кокосово масло и масно млеко.

Транс мастите ги има во грицки, чипс и пржена храна. Има медицински докази за тоа дека транс мастите ги зголемуваат нивото на ЛДЛ, а го намалуваат нивото на ХДЛ во крвта.

Има храна во која има холестерол, како што е црн дроб, паштети, ракчиња и жолчка од јајце. Оваа храна вообичаено не се конзумира во големи количини, па може да биде дел од исхраната, но се разбира во умерени количини. Храната која има многу заситени масти има значително поголем ефект врз нивото на холестерол, отколку храната која што содржи холестерол.

Заменете ги заситените масти со поздрави масти !

Заменете ја храната која содржи заситени масти, со храна богата со незаситени масти, со тоа ќе помогнете да се намали нивото на холестерол во крвта. На пример наместо путер или крем за готвење, користете маслиново масло или путер од лешник или авокадо.

Здрави незаситени масти има во:

• Јаткасти плодови (бадеми и лешници)
• Маслинки
• Масна риба (лосос или сардини)
• Авокадо
• Семки (од тиква, од сончоглед, чија семе)
• Масла од растенија и семки (маслиново масло, масло од кикирики, соино масло и сл.)

Јадете повеќе храна богата со растворливи влакна !

Храна богата со растворливи влакна, ќе ја намали ресорпцијата на холестерол од храна и ќе го намали варењето на холестеролот, а притоа чувството за апетит ќе трае подолго.

Храна богата со растворливи влакна е:

• Овес
• Леќа, грав и грашок
• Пченица
• Јачмен
• Овошје и зеленчик (пр. јаболка и моркови)

Конзумирајте растителни стероли !

Растителните стероли се соединенија кои можат да го намалат ЛДЛ холестеролот. Природно ги има во растенијата, овошјето, зеленчукот, јаткастите плодови и житарките, а се среќаваат и во преработени намирници, како што се намази, житарки, јогурт со малку маснотии и млеко со малку маснотии. Растителните стероли кои природно се наоѓаат во храната се присутни само во мали количини, во споредба со растителните стероли кои се додаваат во храната. Конзумирањето на 2 до 3 грама храна збогатена со растителни стероли дневно се покажа дека го намалува ЛДЛ холестеролот за околу 10%.

Додавањето на храна збогатена со растителни стероли во вашата исхрана е најефективната промена во исхраната што можете да ја направите за да го намалите вашиот ЛДЛ холестерол. Сепак, тие не се препорачуваат за бремени жени или доилки.

Зголемете ја физичката активност !

Физичката активност го зголемува нивото на ХДЛ холестерол – кој пак помага во отстранување на ЛДЛ холестеролот од крвта. Најдобро е енергичното аеробно вежбање, но ако не сте вежбале многу во последно време, постепено зголемувајте ја физичката активност:

• Луѓето на возраст од 18 – 64 години треба да вежбаат 30 до 60 минути со умерен интензитет повеќе денови од неделата.

• Луѓето на возраст од 65 години и повеќе треба да се вежбаат вкупно 30 минути умерена физичка активност повремено.

Вежбањето со умерен интензитет е ниво кое го зголемува пулсот и дишењето, но ви овозможува да продолжите да зборувате. Вежбањето со енергичен интензитет го зголемува пулсот и ве тера да дишете посилно. Тренингот со отпор (користење тегови, ленти за отпор или сопствена телесна тежина) и вежби за тонирање на мускулите може да го зголемат HDL холестеролот. Имајте за цел да го правите тоа двапати неделно.

Намалете ја тежината доколку сте обезни !

Ако сте обезни или со покачена тежина, намалувањето на телесната тежина ќе помогне да се намали нивото на ЛДЛ холестерол и триглицериди, а ќе се покачи нивото на ХДЛ холестеролот.

Ограничете го внесувањето на алкохол !

Алкохолот го покачува нивото на триглицериди. Заедно со ЛДЛ холестеролот, високото ниво на триглицериди го зголемува ризикот за срцева болест. Прекумерен внес на алкохол исто така го зголемува нивото на крвен притисок и може да води кон обезност (заради внесените калории од алкохолот), кои се дополнителни ризик фактори за срцева болест.

За да се намали ризикот за срцева болест, ограничете го внесот на алкохол. Не повеќе од 10 стандардни пијалоци за време на неделата и не повеќе од 4 пијалоци на ден.

Прекинете со пушење !

Пушењето го намалува HDL холестеролот и го забрзува формирањето на масни наслаги во ѕидовите на артериите, исто така, го зголемува згрутчувањето на крвта. Овие фактори го зголемуваат ризикот од срцев и мозочен удар. Престанувањето со пушењето е една од најдобрите препораки за подобрување на здравјето на срцето и крвните садови.

Вашиот лекар може да ви помогне да се откажете од пушењето, прашајте го за програмите за откажување од пишење.

Како може да го намалите холестеролот со лекови ?

Покрај промените во животниот стил и исхрана, многу пациенти ќе мора да земаат и додатоци во исхраната или лекови, за да може да го регулираат нивото на холестерол во нормални граници. При промената да начинот на исхрана и соодветен диетарен режим, препорачливо е употреба на додатоци на исхрана богати со омега масни киселини, кои значително го намалуваат нивото на холестеролот. Додатоците со рибино масло или масло од крил (ракчиња) се најдобар извор на незаситени масни киселини, кои ќе ви помогнат во регулирањето на нивото на холестерол, а со тоа и намалување на ризикот за кардиоваскуларни болести. Внимателно бирајте ги производите кои имаат сертифициран квалитет за активната компонента која ја содржат (пр. ИКОС сертификат).

Пациентите кои нема да успеат со претходниот режим на исхрана, промена на животниот стил и додатоци на база на крил или рибино масло, ќе мора да земаат лекови за намалување на холестеролот и триглицеридите. Вашиот лекар ќе ги земе предвид сите фактори на ризик за кардиоваскуларни болести пред да предложи лекови – не само резултатите од вашиот холестерол и липиди. Ако веќе сте имале срцев или мозочен удар, земањето статини може значително да го намали ризикот да имате уште еден. Статините делуваат така што го забавуваат создавањето на холестерол во црниот дроб, а вашиот црн дроб го користи холестеролот кој е веќе присутен во крвта за да го надомести дефицитот. Со ова се намалува нивото на ЛДЛ холестеролот во крвта. Ако само статините не го намалуваат доволно холестеролот, можеби ќе ви требаат дополнителни лекови.

Задолжително контактирајте го вашиот лекар или фармацевт ако вашите лекови предизвикуваат какви било несакани ефекти !