Ако имате дом и се грижите за здравјето, не е изненадување ако сте љубопитни: Како вашето место на живеење може да влијае на вашето тело? И вие сте паметни да го поставите тоа прашање – вашиот дом навистина може да влијае на вашето здравје.
„Високите површини како што се врвовите на фрижидерите и кабинетите, и ниските површини како теписите, може да бидат правливи и да влијаат на квалитетот на воздухот што го дишеме, што потоа влијае на нашето респираторно здравје“, велат епидемиолозите.
Во други области може да има бактерии од нашиот гастроинтестинален тракт и респираторниот систем секогаш кога ја користиме бањата, кашламе, киваме и ја миеме устата во мијалникот. Овие бактерии имаат потенцијал да придонесат и за болести.
Моралот на приказната: Доброто здравје започнува дома. Затоа, започнете ја новата сезона подготвени со тоа што ќе се погрижете да ги вклучите овие често занемарени области во вашата рутина за пролетно чистење.
- Прозори и рамки од прозори
Прозорците се лесно место за растење на мувлата и тоа не е секогаш очигледно за домаќинот. Спорите на мувла се појавуваат како мали, обезбоени области на вашите прозорци, ако не се отстранат, може да го оштетат вашиот прозорец и квалитетот на воздухот во домот. Според Центарот за контрола и превенција на болести (CDC), изложеноста на мувла може да предизвика луѓето со астма и алергии на мувла да доживеат симптоми како затнат нос, отежнато дишење, црвенило или чешање на очите или кожата. Националните академии за науки, инженерство и медицина, исто така, открија врска помеѓу изложеноста на мувла и симптомите на горниот респираторен тракт, кашлицата и отежнато дишење кај здрави луѓе.
Американската академија за алергија, астма и имунологија препорачува чистење на мувлата и кондензацијата од прозорските рамки и прагови со раствор од белило со хлор (варикина): измешајте ¾ чаша белило со хлор со 3-4 литри вода. Задолжително носете заштитна маска и гумени ракавици.
2. Филтри за HVAC (греење, вентилација и ладење)
Ако вашиот дом има централно греење, вентилација и систем за климатизација, менувајте го филтерот редовно, велат пулмоалерголозите. Според Американскиот колеџ за алергија, астма и имунологија (ACAAI) филтрите фаќаат честички кои влијаат на квалитетот на воздухот во вашиот дом, вклучително и полен, животински алергени и спори на мувла. Ако ги оставите филтрите да се наполнат и да седат предолго, тоа може да ги влоши симптомите на алергија и астма.
ACAAI препорачува да го замените вашиот филтер за воздух на секои три месеци. Започнете ја навиката за време на пролетното чистење.
3. Основа на тоалетната шоља
Дури и ако редовно ги чистите тоалетите, голема е веројатноста дека ќе ја прескокнете основата каде што тоалетот стои на подот. Урината оставена на основата на тоалетот (или каде било, навистина) може да содржи бактерии, додека влагата може да придонесе за појава на мувла што може да го зголеми ризикот за или да ги влоши респираторните заболувања како алергии и астма. Експертите препорачуваат да користиме средства за чистење со назнаките како „антибактериски“ или „антимикробни“ за чистење на овие површини. Според препораките вообичаените состојки што треба да се бараат на етикетата на средствата за одржување на хигиена во домот, треба да вклучуваат борово масло, кватернерни соединенија на амониум, натриум хипохлорит, феноли и етанол.
4. Филтри за вода
Во секој дом многу често се заборава на одржувањето и обновувањето на филтрите за вода, истражувачите велат дека во некои домови филтрите не се соодветно чистени или заменети и со месеци дури и години. Еден стар филтер може да развие мувла, што веднаш влијае на квалитетот на вашата вода, а со тоа и на здравјето на вашето семејство. Според Службата за безбедност и инспекција на храната на САД, внесувањето на некои мувли може да предизвика алергиски реакции и респираторни проблеми, додека други може да предизвикаат болест. Колку често треба да ги чистите или заменувате филтрите зависи од апаратот, затоа проверете ги упатствата на производителот. Како општо упатство, заменете го филтерот за вода во фрижидер на секои три до девет месеци. Ако имате цел домашен систем за третман на вода за прочистување на водата од чешма, заменете го филтерот на секои три до седум години.
5. Плакари и соби за облека и чевли
Плакарите и собите за облека и чевли често се користат и ги користиме за складирање јакни и палта, испотен веш од спорт, чадори, ранци, чевли од снег. Зимското време, особено, има тенденција да внесе влага во овие области, како на пример од стопениот снег, што доведува до мувла кога се остава да стои. Исчистете ги вашите плакари и соби длабоко со вашите производи за чистење на почетокот на секоја сезона. Се препорачува да ги отстраните сите предмети пред чистење за да можете да влезете во секој агол и пукнатина.
6. Домашни миленици
Не заборавајте на вашите четириножни пријатели! Секое милениче може да внесе нечистотија, првут и надворешни алергени како полен во домот, влошувајќи ги алергиите и внесувајќи нови бактерии. Според центарот за контрола на болести (CDC), кучињата можат да носат бактерии кои можат да предизвикаат различни болести кај луѓето, од мали инфекции до сериозни болести како Staphylococcus aureus отпорен на метицилин. Според ЦДЦ, мачките исто како кучињата можат да предизвикаат многу инфекции и болести, заедно со специфични за мачки, како што е болеста на гребење на мачки (блага инфекција). Важно е да ги негувате често за да се минимизира изложеноста на првут и да се исчистат од алергени што ги собрале на отворено. Носете ги миленици кај професионален негувател или научете како сами да ги бањате темелно дома. Исто така, имајте навика да им правите на вашите миленици рутинска ветеринарна контрола и нега и темелно да ги миете рацете по играњето со нив.
