Една од главните карактеристики на модерниот живот е СТРЕСОТ. Секој од нас имaл стресни денови во кои посегнуваме по нездрава храна која на некој начин би не смирила.
Но, дали овој вид на храна навистина не смирува или само го влошува проблемот?
Посегнувањето по брза храна, или нездрава храна, не е случајно. Нездравата исхрана има краткорочно смирувачко дејство, но на долги стази доведува до послаба концентрација и влошување на анксиозноста.
Едно научно истражување открило поврзаност помеѓу високите нивоа на стрес и исхраната која содржела мала количина на овошје и зеленчук. Но, сепак е тешко да се заклучи дали храната е виновна за високите нивоа на стрес или дали овој тип на исхрана е нус производ на стресот.
„Прифатен факт е дека постои врска помеѓу она што го јадеме и тоа како се чувствуваме. Знаеме дека има промени во нивото на шеќер во крвта кои се поврзани со промени во расположението и енергијата. Некои истражувања сугерираат дека внесувањето доволно витамини, минерали и омега-3 и омега-6 масни киселини може да биде важен фактор за одржување на добро ментално здравје “
Stephen Buckley, head of information at mental health charity Mind
Ниво на шеќери и стрес
Храната со преработени јаглехидрати (тестенини, леб, колачи, пица и слично.) може да предизвика висок скок на шеќерот во крвта. Тоа може да поттикне ослободување на ендорфин, хормонот на среќата, но овој ефект е краткотраен. Кога нивото на шеќер станува високо на краток рок, тоа доведува до ослободување на големи количини на хормонот инсулин. Овој процес го намалува нивото на шеќер во крвта многу брзо, често на пониско ниво отколку што бевме пред да јадеме. Ваквата промена има огромно влијание врз нашето расположение – високото ниво на шеќер не прави вознемирени и имаме проблеми со концентрацијата, додека наглото опаѓање на нивото на шеќер ги доведува луѓето до недостаток на енергија и лошо расположение.
Која храна треба да се избегнува?
Секоја преработена храна која има повеќе од 5 грама шеќер на од вкупно 100 грама не треба да биде на менито. Тука спаѓаат чоколади, житарки со вкус, колачи, газирани сокови, овошни јогурти и слично. Треба да се избегнува и храна со повеќе од 1,5 грама заситени масти од вкупно 100 грама, како на пример: пици, чипс и сл.
Заменете ја храната со интегрални верзии тие имаат удел во развитокот на добрите бактерии во цревата.
Која храна не треба да се избегнува?
Храната богата со влакна – зеленчук, цели зрна, семки и јаткасти плодови. Здравите масни киселини како што се омега-3 ја развиваат функцијата на мозокот, а со тоа и доброто расположение. Тука се вклучени: рибите- лососот, сардините и скушата и семките чиа, ленено семе и др.
Покрај тоа, разновидните овошја и зеленчуци кои се полни со антиоксиданси можат да помогнат во намалување на воспалението, додека употребата на ферментирана храна може да помогне во одржувањето на здрави црева.
Како изгледа тоа во пракса?
„Добриот совет за одржување на здрава исхрана и добро ментално здравје вклучува пиење доволно вода, намалување на течностите кои влијаат на расположението како чај, кафе и алкохол и одржувањето на распоред на оброци.“
Stephen Buckley, head of information at mental health charity Mind
Здравите алтернативи може да помогна како на пример, наместо бонбони, обидете се да јадете суво овошје. Наместо солени кикиритки, пробајте кикирики со лушпа!
Исто така, внимавајте како се чувствувате после јадење и пиење – водете дневник за расположението. Така, на крајот на неделата можете да видите што сте јаделе и пиеле и како сте се чувствувале потоа. Ова помага да се елиминираат намирниците кои потенцијално влијаат на вашето лошо расположение.
Извор: https://patient.info/news-and-features/foods-for-stress-relief
