Губeњето на количина на вода од вашето тело може да ви помогне брзо да изгубите неколку килограми. Но, тоа е привремено, а користење на таков метод во никој случај не се препорачува со цел да се намали тежината. Потењето е природен начин на телото да ја регулира телесната температура. Самото потење не согорува количина на калории, но исфрлањето течности ќе предизвика привремена загуба на тежина, со пиење на вода или јадење, веднаш ја враќате целата изгубена тежина.

Губење калории без потење

Едно истражување покажало дека за време на 90-минутниот час по јога Bikram, жените согоруваат во просек само 330 калории, додека мажите согоруваат 460 калории. Ова е еквивалентно на брзо одење со брзина од 8 km/h во исто време. Можете исто така да согорувате калории за време на активности каде што не се потите многу или воопшто не се потите. На пример, сè уште согорувате калории со пливање, кревање мали тежини или вежбање во зима кога надвор е студено. Сепак, потта може да биде начин да се измери нивото на вашиот интензитет или колку напорно работите за време на одредени вежби. Американскиот колеџ за спортска медицина препорачува здравите возрасни да вежбаат 30 минути со умерен интензитет пет дена во неделата, што би значело доволно вежбање за да се препотите.

Не се потиме сите исто

Колку се потите зависи од голем број фактори вклучувајќи:

• Генетика;
• Фактори на животната средина;
• Возраст;
• Ниво на кондиција;
• Тежина.

Од овие фактори вашата тежина и нивото на кондиција најмногу ќе влијаат на тоа колку се потите за време на вежбањето. Вашето тело треба да користи повеќе енергија за да функционира со поголема тежина. Ова резултира со повеќе потење бидејќи треба да се олади поголемата телесна маса. Колку сте во подобра форма, толку побрзо ќе се потите бидејќи телото станува поефикасно во регулација на температурата. Побрзо потење значи дека вашето тело може побрзо да се олади, што ќе ви овозможи да вежбате со поенергично темпо подолго време.

Придобивките од потењето

Главната придобивка од потењето е ладење на вашето тело. Интензивното вежбање ја зајакнува циркулацијата, што овозможува снабдување на клетките на кожата со кислород и хранливи материи. Потењето е исто така показател за адекватноста на вашиот тренинг затоа што веројатно правите вежби кои се соодветно предизвикувачки за вашето фитнес ниво.

Ризици од потење

Ако се потите, поголема е веројатноста да се дехидрирате. Топлото или влажно време го зголемува количеството на потење. Не чекајте да бидете жедни за да започнете со хидратација. Наместо тоа, земете шише вода со вас и пијте редовно за време на тренингот.

Тешката дехидрација може да биде опасна. Ако се појават овие симптоми, веднаш побарајте лекарска помош:

• екстремна исцрпеност или конфузија,
• вртоглавица при стоење која не исчезнува по неколку секунди,
• осум часа без мокрење,
• слаб пулс,
• забрзан пулс,
• губење на свеста.

Ако секогаш се потите прекумерно, може да имате состојба наречена хиперхидроза. Посетете го вашиот лекар ако потењето ви пречи на секојдневната рутина. Исто така, проверете кај вашиот лекар доколку имате ноќно потење без позната причина или ненадејно прекумерно потење.

Како безбедно да согорите калории

Најдобар начин да се постигне здрава тежина е да се примени активен начин на живот. Здравата исхрана и редовното вежбање (до пет дена во неделата околу 30 минути) се најдобрите начини за безбедно постигнување на целите за слабеење.

Заклучок:  губење  на вода од вашето тело може да ви помогне брзо да изгубите неколку килограми, но оваа загуба е привремена. Сепак, изгубените калории не се значајни и ова не е здрав начин за губење на тежината во целина. Една студија покажало дека на спортските перформанси на жените дури и негативно влијае наглото губење на тежината предизвикано од сауна, но затоа сепак се потребни  повеќе истражувања.