Јадете помали, почести оброци без зголемување на вкупниот внес на калории.
Во последните години се вршат многу истражувања за здравствените придобивки од пробиотиците. А есента е годишно време кога започнуваат на голема врата настинките, вирусите, па затоа како тема почесто се зборува за пробиотиците кои што имаат поволно влијание врз здравјето на луѓето. Крајните резултати треба да е на страната на добрата здравствена состојба или подобрувањето на истата кај луѓето, но механизмот на делување на пробиотиците е сеуште некако нејасен..
Имено зборот Пробиотик потекнува од латинскиот предлог “Pro”, што значи “За” и зборот βίος (bios, “life”) што значи “живот”.
Дигестивен систем игра улога во вашето целокупно здравје.
Дигестивен систем (често нарекуван „вашето црево“) е исклучително сложена средина која извршува многу витални функции.
Тенкото црево делува како главно место на ензимско варење на храната и апсорпција на хранливи материи.
Дебелото црево апсорбира големи количини вода и електролити и помага да се отстранат отпадните материи и другите супстанции што вашето тело не ги користи.
Дебелото црево е исто така одговорно за регулирање на цревната благосостојба, особено преку сложената микрофлора која придонесува за одржување на функцијата на цревата.
- Зошто е толку важно да се одржува здрава рамнотежа на микрофлората во цревата?
Секој, во одреден момент од животот, може да се соочи со цревни нарушувања. Причините за овие нарушувања можат да бидат вообичаени и за возрасни и за деца. Цревната микрофлора на секој поединец се состои од различни микроорганизми (бактерии, квасец и габи) кои живеат во цревниот тракт. Кога цревната микрофлора е надвор од рамнотежа, таа нерамнотежа може да влијае на целокупното здравје. Оваа рамнотежа може да се наруши за време на стрес, со возраста, во менопауза, при земање лекови, со неурамнотежена исхрана и во случај на акутна или хронична цревна болест.Но има добра причина зошто да додадете пробиотици во вашата дневна рутина.
2. Како можете да го подобрите сопственото дигестивно здравје?
ПРЕПОРАЧУВАМЕ НЕКОЛКУ СОВЕТИ ЗА ДА ГО ПОДОБРИТЕ ВАШЕТО ДИГЕСТИВНО ЗДРАВЈЕ:
- Јадете помали, почести оброци без зголемување на вкупниот внес на калории.
- Не пропуштајте појадок; не јадете големи оброци доцна навечер.
- Вклучете храна богата со растителни влакна, 5 порции овошје и зеленчук дневно, вклучително и цели зрна и мешунки.
- Јадете риба 3 до 5 пати неделно.
- Намалете го внесот на храна богата со животински масти, мрсна и пржена храна.
- Консумирајте ферментирани млечни производи кои содржат пробиотици, со докажани придобивки за дигестивното здравје.
- Изберете посно месо како пилешко, мисирка, зајачко…или посни парчиња говедско, свинско или јагнешко месо.
- Пијте 2 литри вода за пиење дневно додека го намалувате внесот на кофеин, алкохолни и богати со шеќер пијалоци.
- Не брзајте со јадењето и џвакајте ја храната полека и добро.
- Практикувајте здрав начин на живот: вежбајте редовно и воздржувајте се од пушење.
- Одржувајте здрав индекс на телесна маса: целта е да ја постигнете вашата идеална телесна тежина.
Текстовите и информациите се исклучиво од информативен карактер и не може да ги заменат професионалните медицински и здравствени совети, прегледи, дијагнози или терапии. Пред започнување каква било нова терапија, промена на постојната или воведување каков било режим на вежбање или диета – задолжително консултирајте се со лекар.
