Откажувањето од пушењето е една од најважните активности што луѓето можат да ги преземат за да го подобрат своето здравје. Корист од оваа постапка ќе имаат сите, без разлика на нивната возраст или на годините на пушачки стаж (колку долго пушат).

Откажување од пушењето:

• Ја подобрува здравствената состојба и го подобрува квалитетот на животот.
• Го намалува ризикот од прерана смрт и може да додаде дури 10 години на животниот век.
• Го намалува ризикот од многу негативни здравствени ефекти, вклучувајќи лоши резултати на репродуктивното здравје, кардиоваскуларни заболувања, хронична опструктивна белодробна болест (ХОББ) и рак.
• Користи за луѓето на кои веќе им е дијагностицирана коронарна срцева болест или ХОББ.
• Има корист за здравјето на бремените жени и нивните фетуси и бебиња.
• Го намалува финансискиот товар што пушењето го носи на луѓето кои пушат, здравствените системи и општеството.
• Иако откажувањето порано во животот носи поголеми здравствени придобивки, откажувањето од пушењето е корисно за здравјето на која било возраст. Дури и луѓето кои пушеле многу години или многу пушеле ќе имаат корист од откажувањето.

Откажувањето од пушењето е единствениот најдобар начин да се заштитат членовите на семејството, колегите, соработниците, пријателите и другите од здравствените ризици од пасивно пушење (иако се непушачи имаат ризик заради претстојување во простории во кои се пуши).

КОРИСТ ОД ОТКАЖУВАЊЕ НА ПУШЕЊЕТО ПО КАРДИОВАСКУЛАРНИОТ СИСТЕМ

Откажувањето од пушењето е една од најважните активности што луѓето кои пушат може да ги преземат за да го намалат ризикот од кардиоваскуларни болести.
Со откажување од пушењето, вие:

• Го намалувате ризикот од болести и смрт од кардиоваскуларни болести.
• Ги намалувате маркерите на воспаление и хиперкоагулабилност.
• Помагате во брзо подобрување на нивоата на липопротеинскиот холестерол со висока густина (HDL-C).
• Го намалувате развојот на субклиничката атеросклероза и ја забавувате нејзината прогресија со текот на времето.
• Го намалувате ризикот од коронарна срцева болест.
• Го намалувате ризикот од болести и смрт од мозочен удар.
• Го намалувате ризикот од абдоминална аортна аневризма, при што намалувањето на ризикот се зголемува со текот на времето по прекинот.
• Можете да го намалите ризикот од атријална фибрилација, ненадејна срцева смрт, срцева слабост, венски тромбоемболизам и периферна артериска болест.
• Луѓето на кои веќе им е дијагностицирана коронарна срцева болест, исто така имаат корист од откажувањето од пушење.

Откажување од пушење по дијагноза на коронарна срцева болест помага при:

• Намалување на ризикот од прерана смрт.
• Намалување на ризикот од смрт од срцеви заболувања,
• И намалување на ризикот од добивање на срцев удар.

КОРИСТ ОД ОТКАЖУВАЊЕ НА ПУШЕЊЕТО ПО РЕСПИРАТОРНИОТ СИСТЕМ

Откажувањето од пушењето е една од најважните активности што луѓето кои пушат може да ги преземат за да го намалат ризикот од респираторни заболувања.

Откажување од пушењето:

• Го намалува ризикот од развој на ХОББ.
• Кај пациенти со ХОББ, ја забавува прогресијата на ХОББ и го намалува губењето на функцијата на белите дробови со текот на времето.
• Ги намалува респираторните симптоми (на пример, кашлица, производство на спутум, отежнато дишење).
• Ги намалува респираторните инфекции (на пр. бронхитис, пневмонија).
• Може да ја подобри функцијата на белите дробови, да ги намали симптомите и да ги подобри резултатите од третманот кај лицата со астма.

КАНЦЕР ПОВРЗАНИ КОРИСТИ ОД ОТКАЖУВАЊЕ НА ПУШЕЊЕТО

Откажувањето од пушењето е една од најважните активности што луѓето кои пушат може да ги преземат за да го намалат ризикот од рак.

Откажувањето од пушењето го намалува ризикот од 12 различни видови на рак, вклучувајќи:

• Акутна миелоидна леукемија (АМЛ)
• Канцер на мочниот меур
• Рак на белите дробови
• Рак на грлото на матката
• Рак на дебелото црево и ректумот
• Рак на хранопроводникот
• Рак на бубрег
• Рак на црниот дроб
• Рак во уста или грло (усната шуплина и фаринксот)
• Канцер на панкреас
• Канцер во стомакот
• Канцер на гласните жици (ларинкс)
  За оние кои преживеале рак, откажувањето од пушење може да ја подобри прогнозата и да го намали ризикот од прерана смрт.

КОРИСТ ОД ОТКАЖУВАЊЕ НА ПУШЕЊЕТО ПО РЕПРОДУКТИВНОТО ЗДРАВЈЕ

Откажувањето од пушењето е една од најважните активности што жените кои пушат може да ги преземат за здрава бременост и здраво бебе. Најдобро време за жените да се откажат од пушењето е пред да се обидат да забременат. Но, откажувањето во секое време од бременоста може да биде од корист за здравјето на мајката и бебето.

Откажување од пушење:

• Пред бременоста или почетокот на бременоста го намалува ризикот за мало бебе на гестациска возраст.
• За време на бременоста го намалува ризикот од породување бебе со мала тежина.
• При почетокот на бременоста ги елиминира негативните ефекти од пушењето врз растот на фетусот.
• Пред бременоста или почетокот на бременоста може да го намали ризикот од предвремено породување.

КОРИСТИ ОД ОТКАЖУВАЊЕ НА ПУШЕЊЕТО СО ТЕК НА ВРЕМЕТО

Со текот на времето, луѓето кои се откажуваат од пушењето гледаат многу придобивки за нивното здравје. Откако ќе ја испушите последната цигара, вашето тело започнува низа позитивни промени кои продолжуваат со години.

Краткотрајни придобивки:

• Срцевиот ритам се успорува – минути по прекунувањето на пушењето.
• Нивото на никотин во крвта паѓа на нула – после 24 часа.
• Нивото на јаглероден моноксид во крвта паѓа на ниво на непушач – после неколку дена од престанокот на пушењето.

Долготрајни придобивки:

• Кашлицата и отежнатото дишење се намалуваат – после месец дена од прекинот на пушењето.
• Ризикот од срцев удар нагло опаѓа – 1 до 2 години по прекин на пушењето.
• Ризикот од мозочен удар – 1 до 2 години по прекин на пушењето.
• Ризикот за коронарна срцева болест се намалува на половина – 3 до 6 години по прекинот на пушењето.
• Ризикот од рак на уста, грло, гласни жици се намалува на половина – 5 до 10 години по прекин на пушењето.
• Ризик од рак на бели дробови се преполовува – 10 до 15 години по прекин на пушењето.
• Ризикот од коронарна срцева болест се намалува на ниво на непушач – 15 години по прекин на пушењето.
• Ризикот од рак на панкреас се намалува на ниво на непушач.
• Ризикот од рак на грлото на матката се намалува на половина.

ДОНЕСЕТЕ ПРАВИЛНА ОДЛУКА: ЧАС ПОСКОРО ОТКАЖЕТЕ СЕ ОД ПУШЕЊЕ ЦИГАРИ !!!